Пяскоў: Еўропа з'яўляецца цэллю для расейскіх ракет

Прэс-сакратар Пуціна выліўся пагрозамі.

Расея заўсёды адказвала на размяшчэнне амерыканскіх дальнабойных ракет у Еўропе, вызначаючы ў якасці цэляў для сваіх ракет еўрапейскія краіны, заявіў прэс-сакратар расейскага дыктатара Дзмітрый Пяскоў у каментары прапагандысту ВГТРК Паўлу Зарубіну. Фрагмент Зарубін апублікаваў у сваім тэлеграм-канале. Пяскоў такую ​​сітуацыю назваў «парадаксальнай».

На пытанне, ці адкажа Расея размяшчэннем ракет зараз, Пяскоў адказаў сцвярджальна. «Амерыка працягвае зарабляць грошы, Еўропа знаходзіцца ў прыцэле нашых ракет, наша краіна – у прыцэле амерыканскіх ракет, якія знаходзяцца ў Еўропе. Мы ўжо ўсё гэта праходзілі. <...> У нас стае патэнцыялу для таго, каб стрымліваць гэтыя ракеты. Але патэнцыйнай ахвярай зʼяўляюцца сталіцы гэтых дзяржаў», – падкрэсліў прэс-сакратар кіраўніка дзяржавы.

Як адзначыў Зарубін, ёсць меркаванне, што такое супрацьстаянне ў мінулым прывяло да распаду СССР. Пяскоў на гэта заявіў, што Еўропа зараз «трашчыць па швах»: «Для Еўропы зараз не найлепшы час, таму ў розных канфігурацыях паўтарэнне гісторыі непазбежнае».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com