Двое набліжаных да экс-намесніка міністра абароны РФ Іванова памерлі ў адзін дзень
36- 13.07.2024, 21:23
- 49,712

Што вядома.
У панядзелак, 8 ліпеня памерлі двое набліжаных арыштаванага паводле справы аб атрыманні хабару ў асабліва буйнай суме былога намесніка міністра абароны Цімура Іванова: начальнік упраўлення дзяржаўнай экспертызы Мінабароны РФ Магамед Хандаеў і бізнэсовец Ігар Кацельнікаў, які абвінавачваўся ў дачы хабару супрацоўнікам ведамства.
Прычыны смерці Хандаева не раскрываліся. Сябра рады пры прэзідэнце аб правах чалавека (СПЧ) Ева Меркачова заявіла, што Кацельнікаву стала дрэнна ў карцэры корпуса №5 маскоўскага СІЗА № 4 («Мядзведзь»), у яго спынілася сэрца.
Паводле версіі следства, Кацельнікаў быў пасярэднікам, які за «адкаты» арганізоўваў выгадныя кантракты з Мінабароны РФ для прадпрымальнікаў. Хандаеў быў у прамым падпарадкаванні ў Іванова, пісала выданне «Чарнавік».