Байдэн пагаварыў з Трампам пасля замаху

Прэзідэнт ЗША склікае спецыяльны брыфінг у нядзелю.

Белы дом паведаміў, што прэзідэнт ЗША Джо Байдэн гутарыў з былым прэзідэнтам Дональдам Трампам у суботу вечарам (паводле Вашынгтона).

Пра гэта паведамляе AP.

Больш падрабязнасцяў аб размове ў адміністрацыі прэзідэнта не далі.

У нядзелю раніцай Байдэн скліча брыфінг з прадстаўнікамі нацыянальнай бяспекі і праваахоўных органаў у Белым доме.

Нагадаем, 14 ліпеня на Трампа рабілі замах падчас мітынгу ў штаце Пенсільванія. Пасля таго, як раздаліся стрэлы, ахоўнікі закрылі сабой экс-прэзідэнта і вывелі яго са сцэны.

Пасля стала вядома, што Трамп атрымаў лёгкае агнястрэльнае раненне. Загінулі адзін з гледачоў і нападнік.

Трамп, са слоў ягонай прэс-службы, адчувае сябе добра.

Прэзідэнт Джо Байдэн падзякаваў Сакрэтнай службе за тое, што Трампа даставілі ў бяспечнае месца. Байдэн таксама заклікаў асудзіць замах.

У сваёй сацсетцы Truth Social Трамп заявіў, што паранены ў верхнюю частку правага вуха і страціў шмат крыві.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com