У Крыме памёр старэйшы брат Мустафы Джамілёва

У 2023 годзе прэзідэнт Зяленскі прысвоіў яму званне Героя Украіны.

У часова акупаваным Крыме ва ўзросце 83 гадоў памёр Анафі Джамілёў. Гэта старэйшы брат лідэра крымскататарскага народа Мустафы Джамілёва.

Трагічную вестку паведаміў старшыня Меджліса крымскататарскага народа Рафат Чубараў. Ён не даў ніякіх падрабязнасцяў; крымскататарскія выданні адзначаюць, што Анафі Джамілёў памёр ад хваробы.

«Толькі што паступіла сумная вестка - у акупаваным расейскімі варварамі Крыму памёр Анафі Джамілёў (1941 года нараджэння), брат лідара крымскататарскага народа Мустафы Джамілёва», - напісаў Чубараў у сетцы і паказаў адзін з апошніх здымкаў Анафі Джамілёва.

Джамілёў жыў у Сімферопальскім раёне захопленага паўвострава. Анафі быў старэйшы за Мустафу на два гады.

«Вялікі ўплыў на светапогляд Мустафы аказаў і брат Анафі, які быў старэйшы за яго. Анафі шмат чытаў і вучыў Мустафу выбіраць зерні правільнай інфармацыі з вялізнага масіву афіцыйнай друкаванай прадукцыі. Калі ў дзяцей назапашваліся невялікія грошы, яны набывалі дастаткова сур'ёзныя для іх узросту кнігі», – піша «Крым.Реалии».

Анафі Джамілёў - адзін з кіраўнікоў крымскататарскага нацыянальнага руху, праваабаронца, удзельнік дысідэнцкага руху і палітычны зняволены. У 2023 годзе прэзідэнт Зяленскі прысвоіў яму званне Герой Украіны.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com