У Гаазе адкрылася выстава, прысвечаная Алесю Бяляцкаму

Мерапрыемства арганізаванае пры падтрымцы Еўракамісіі.

У Гаазе 13 ліпеня пры падтрымцы Еўракамісіі адкрылася выстава, прысвечаная Алесю Бяляцкаму - беларускаму палітвязню, заснавальніку і кіраўніку праваабарончага цэнтра «Вясна», лаўрэату Нобелеўскай прэміі міру 2022 года.

У час адкрыцця выставы з прамовамі выступілі беларусы Нідэрландаў і грамадскія і палітычныя дзеячы краіны.

Прадстаўнік Згуртавання беларусаў у Нідэрландах MÁRA распавёў пра знаёмства з Алесем Бяляцкім і натхненне ім, як узорным беларусам, а таксама пра свой уласны праваабарончы шлях.

Валерыя Калеснік, палітычная ўцякачка з Беларусі, падзялілася сваёй гісторыяй удзелу ў пратэстах і затрыманні. У сваёй прамове Валерыя таксама звярнула ўвагу на жахлівую сітуацыю з палітвязнямі ў Беларусі і на неабходнасць міжнароднай падтрымкі дэмакратычнага руху беларусаў.

Крысці Медэма з праваабарончай арганізацыі Libereco нагадала, што Бяляцкі атрымаў узнагароду Нідэрландаў Human Rights Tulip, і расказала пра кампанію #WeStandBYyou, прысвечаную палітвязням Беларусі, да якой далучыліся ўжо шмат парламентарыяў з розных краін.

Вінцэнт Тэпас, прадстаўнік палітычнай партыі GroenLinks і мэрыі Гаагі падкрэсліў важнасць і сімвалічнасць таго, што выстава праходзіць менавіта ў Гаазе: у горадзе міру і правасуддзя, і прапанаваў супрацоўніцтва паміж Гаажскай гарадской радай і беларускай супольнасцю.

Выстава будзе працаваць з 13 ліпеня да 9 жніўня ў Het Atrium Den Haag, Spui 70, Den Haag (хемента Гаагі, уваход Forum zijde) у працоўныя гадзіны хементы (муніцыпальнай адміністрацыі) Гаагі.

Уваход вольны.

Алесь Бяляцкі быў затрыманы 14 ліпеня 2021 года.

7 кастрычніка 2022 года Бяляцкі стаў лаўрэатам Нобелеўскай прэміі міру.

3 сакавіка 2023 г. у судзе Ленінскага раёна Менска суддзя Марына Запаснік прыгаварыла кіраўніка «Вясны» і нобелеўскага лаўрэата да 10 гадоў калоніі ва ўмовах узмоцненага рэжыму.

Выстава, прысвечаная Алесю Бяляцкаму, сёлета праходзіла таксама ў Сенаце Польшчы ў Варшаве.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com