У панядзелак у Беларусі працягнецца спякота да +34°С

Сіноптыкі распавялі, дзе будзе гарачэй за ўсё

У панядзелак спякота ў Беларусі працягнецца, сіноптыкі выпусцілі чарговае папярэджанне з аранжавым узроўнем небяспекі. Пра гэта паведамляецца на сайце Белгідраметцэнтра.

Згодна з апавяшчэннем, у панядзелак удзень небяспека пагражае жыхарам паўднёвага ўсходу краіны. Там тэмпература будзе дасягаць +30…34°С.

У астатніх рэгіёнах дзённая тэмпература не перавысіць +24…29°С. У ноч на панядзелак будзе ад 16 да 22°С. Уначы і раніцай на большай частцы краіны, удзень у асноўным ва ўсходняй палове пройдуць кароткачасовыя дажджы, у асобных раёнах навальніцы. Уначы і раніцай месцамі згусціцца слабы туман. Вецер абяцаюць пераменны сярэдні, пры навальніцах парывісты. Будзе пераменная воблачнасць.

Характар надвор'я захаваецца і ў аўторак. Поўдзень і паўднёвы ўсход Беларусі будуць па-ранейшаму максімальна нагрэтыя: уначы там будзе блізу 22°C нават уначы. Таксама падчас навальніц на поўдні можа быць моцны парывісты вецер. У астатніх раёнах начная тэмпература складзе +13...20°С, а ўдзень ад +26°С на поўначы да +34°С на поўдні краіны.

У сераду надвор'е пагоршыцца пад уплывам актыўнай сістэмы франтоў, якая перамяшчаецца з паўднёвага захаду Еўропы. Будзе воблачна з прасвятленнямі, кароткачасовыя дажджы прагназуюцца па ўсёй тэрыторыі, а месцамі будуць залевы, навальніцы з моцным ветрам і нават магчымы град.

Тэмпература паветра ўначы складзе +15...22°С, удзень +24...31°С, на паўднёвым усходзе будзе па-ранейшаму горача: +32...34°С.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com