У Гомельскай вобласці абвешчаны рэжым НС

Многія буйныя гарады абясточаныя.

Губернатар Гомельскай вобласці Іван Крупка абвясціў аб надзвычайнай сітуацыі пасля разбуральнага ўрагану, які пакінуў без электрычнасці і вады жыхароў рэгіёну.

На раніцу панядзелка застаюцца абясточанымі Мазыр, Ельск, Калінкавічы, Лельчыцы, Нароўля. Парушанае электразабеспячэнне блізу 1150 населеных пунктаў.

Кіраўнік Гомельскай вобласці абвясціў надзвычайную сітуацыю і арганізаваў аператыўны штаб для каардынацыі дзеянняў для ліквідацыі наступстваў урагану.

«Спецыяльныя службы: энэргетыкі, ратавальнікі, леснікі, ЖКГ, міліцыя працягваюць працаваць у кругласутачным рэжыме. Ствараюцца дадатковыя брыгады для расчысткі лясных завалаў для максімальна больш хуткага доступу энэргетыкам да ЛЭП. У 24-гадзінным рэжыме насельніцтва будзе забяспечанае пітной вадой аж да поўнага аднаўлення водазабеспячэння», - рэзюмаваў кіраўнік рэгіёну.

Праз стыхію ў рэгіёне загінулі тры чалавекі, у тым ліку адно дзіця, пацярпелі чацвёра дзяцей і адзін дарослы. Без электрычнасці застаюцца 1 150 населеных пунктаў вобласці.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com