CNN: На мітынгу Трампа стралялі з трох адзінак агнястрэльнай зброі

Пра гэта сведчыць аўдыякрыміналістычны аналіз.

Паводле звестак аўдыякрыміналістычнага аналізу, на перадвыбарным мітынгу экс-прэзідэнта ЗША Дональда Трампа 13 ліпеня ў Батлеры, дзе на яго быў здзейснены замах, стралялі з трох розных адзінак агнястрэльнай зброі, піша a target="_blank" href=https://edition.cnn.com/politics/live-news/trump-rally-shooting-07-14-24/index.html>CNN.

Крыніца CNN у праваахоўных органах паведаміла, што падчас мітынгу Трампа 13 ліпеня, акрамя стралка, які спрабаваў забіць экс-прэзідэнта, і супрацоўніка Сакрэтнай службы з агнястрэльнай зброі страляў таксама прадстаўнік спецыяльнага прызначэння паліцыі акругі Батлер.

Канал нагадвае, што ў ФБР заявілі, што стралок дзейнічаў сам.

Паводле аўдыяаналізу Каталіна Грыгараса, дырэктара Нацыянальнага цэнтра медыякрыміналістыкі ва Універсітэце Каларада ў Дэнверы, і Коўла Уайткотана, старэйшага навуковага супрацоўніка ў тым жа ўніверсітэце, першыя тры стрэлы адпавядалі меркаванай зброі А, наступныя пяць – меркаванай зброі В, а апошні «акустычны імпульс» быў выдадзены магчымай зброяй С.

Крыміналіст Роберт Маер, які выкладае аўдыякрыміналістыку ва Універсітэце Мантаны, таксама паведаміў, што аналіз аўдыя пацвердзіў, што стралок знаходзіўся на адлегласці прыкладна 360–393 футы (110–120 метраў) ад трыбуны, дзе быў Трамп.

Гэтая выснова супадае з аналізам CNN, паводле якога стралок знаходзіўся на даху за 393–492 футы (120–150 метраў) ад трыбуны, калі раздаліся стрэлы, адзначаецца ў артыкуле.

Стрэлы з'яўляюцца прыкладам паслядоўнасці «крэк-поп», тыповай, калі звышгукавая куля праходзіць міма мікрафона перад «прыбыццём адпаведнага гуку дульнага выбуху», сказаў CNN Маер.

Паводле ягоных словаў, час паміж гэтымі маркерамі сведчыць, што стралок быў на адлегласці 110–120 метраў ад мікрафона, калі меркаваць, што куля рухаецца з сярэдняй хуткасцю ад 800 да 1000 метраў за секунду.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com