Беларус, які сарваўся са скалы ў Кабардзіна-Балкарыі, не выжыў
- 16.07.2024, 8:43
- 2,640
![Беларус, які сарваўся са скалы ў Кабардзіна-Балкарыі, не выжыў](https://i.c97.org/ai/602989/aux-head-1721070936-20240101_czajaka_120.jpg)
Пра гэта паведамілі ў МНС РФ.
Беларускі турыст, які сарваўся са скалы ў Прыэльбруссе напярэдадні, загінуў да прыбыцця ратавальнікаў, паведамілі ў МНС Расеі.
"На жаль, у цясніне Ірык-Чат да моманту прыбыцця спецыялістаў мужчына з Рэспублікі Беларусь ужо памёр", — паведамілі ў ведамстве.
Цяпер расейскія ратавальнікі займаюцца эвакуацыяй цела загінулага 34-гадовага беларуса.
Нагадаем, вечарам 15 ліпеня турыстычная група з Беларусі ў гарах Кабардзіна-Балкарыі звярнулася па дапамогу да ратавальнікаў з-за мужчыны, які атрымаў траўму пры падзенні са скалы. У МНС РФ удакладнілі, што тургрупа складалася з 14 чалавек і свой маршрут у ведамстве не зарэгістравала.