У Беларусь могуць забараніць увоз аўтамабіляў старэйшых за сем гадоў

Праз чыноўніка з Казахстана.

Дырэктар дэпартамента інтэграцыі і міжнароднага супрацоўніцтва Міністэрства прамысловасці і будаўніцтва Казахстана Адзільбек Бекцібаеў расказаў аб патэнцыйных зменах у тэхнічны рэгламент «Аб бяспецы колавых транспартных сродкаў».

У рамках публічных абмеркаванняў петыцыі аб скасаванні ўтылізацыйнага збору ў Казахстане рабочай групай выпрацаваныя прапановы абмежаваць увоз транспартных сродкаў узростам старэйшым за сем гадоў. Гэтае пытанне Казахстан мае намер унесці на разгляд Рады Еўразійскай эканамічнай камісіі.

Прычым размова ідзе не толькі пра Казахстан, але і пра ўсю тэрыторыю ЕАЭС (Расея, Беларусь, Арменія і Кыргызстан), піша Kolesa.kz.

Наколькі рэалістычным з'яўляецца такая забарона - пытанне адкрытае. Для яго ўвядзення патрабуецца падтрымка ўсіх пяці краін - удзельніц Саюза. Паводле паведамлення Tengri Auto, сам Бектыбаеў сумняваецца, што Арменіі і Кыргызстану гэты механізм будзе даспадобы, піша av.by.

Асобна прапануецца прапрацаваць яшчэ некаторыя абмежаванні. Так, абмяркоўваецца магчымасць забароны фізічнай асобе ўвозіць больш за адзін аўтамабіль на працягу года для асабістага карыстання. Пры гэтым для іншых мэт прыватнікам імпарт транспарту могуць закрыць у прынцыпе.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com