Forbes: Расейскіх жаўнераў ва Украіне перасаджваюць на беларускія матацыклы
5- 16.07.2024, 12:50
- 5,620
![Forbes: Расейскіх жаўнераў ва Украіне перасаджваюць на беларускія матацыклы](https://i.c97.org/ai/603052/aux-head-1721123438-20240326_foto2_360.jpg)
Праз гэта войска РФ страчвае рэкордную колькасць жаўнераў.
Ва ўмовах нястачы бранетэхнікі расейскія падраздзяленні ва Украіне ўсё часцей абсталёўваюцца цывільнымі транспартнымі сродкамі, у тым ліку беларускія матацыклы для бездарожжа, паведамляе Forbes.
![](https://i.c97.org/ai/603052/aux-1721123405-1.jpg)
OMG. Russian Desertcross with enormous anti drone cage. How do we call this Russian contraption? pic.twitter.com/eKmJqSOrxc
— Special Kherson Cat 🐈🇺🇦 (@bayraktar_1love) July 6, 2024
Праз вялікія страты бранятэхнікі ўсё больш расейскіх падраздзяленняў, якія ваююць ва Украіне, перасаджваюцца на кітайскія квадрацыклы Desertcross 1000-3, а таксама кітайскія і беларускія матацыклы для бездарожжа.
Аднак, як адзначае Forbes, супраць акапаных украінскіх войскаў, якія падтрымліваюцца артылерыяй і беспілотнікамі, у расейцаў на квадрацыклах і матацыклах няма шанцаў - расейскае войска стачвае рэкордную колькасць салдат.
З падлікаў Міністэрства абароны Вялікабрытаніі, сярэднія штодзённыя страты расейцаў (забітымі і параненымі) ва Украіне ў траўні і чэрвені 2024 года ўзраслі да пікавых значэнняў з пачатку канфлікту - 1262 і 1163 чалавекі адпаведна.
Агулам, са звестак міністэрства, у перыяд з 1 траўня да 30 чэрвеня расейцы страцілі больш за 70 000 чалавек.
Устаноўка на квадрацыклах і матацыклах так званых антыдронавых кратак, відавочна, не вельмі дапамагае, паколькі дадатковая браня запавольвае іх хуткасць, робячы іх больш уразлівымі для агнявых удараў, піша Forbes.