«Гэта будуць апошнія тыдні кіравання Лукашэнкі»

Чаму беларускі правадыр змяніў рыторыку.

Былы супрацоўнік СБУ Іван Ступак расказаў, чаму беларускі правадыр змяніў рыторыку.

— Калі зараз Лукашэнка раптам наважыцца на нейкую эскалацыю на мяжы з Украінай, гэта стане апошнімі тыднямі ягонага кіравання, — пракаментаваў Іван Ступак на Еўрарадыё нядаўняе сцягванне да мяжы беларускіх вайскоўцаў. - Ён ведае, што ў выпадку нейкіх ваенных дзеянняў з Украінай, трэба будзе раздаваць зброю таму самаму «народнаму апалчэнню», гэта значыць звычайным беларусам, а не вертухаям, кгбэшнікам і іншым сілавікам.

І Лукашэнка цудоўна разумее, што на гэты раз здушыць усё, як было ў 2020 годзе, не выйдзе. Беларускія грамадзяне павернуць зброю супраць яго.

Экспэрт патлумачыў і тое, чаму, на ягоную думку, заявы беларускага правадыра апошнім часам рэзка змянілі характар і набылі міратворчую афарбоўку.

- Гэта кажа і пра тое, што на Лукашэнку вельмі моцна ціснуць эканамічныя санкцыі, і пра ягоную асабістую ізаляцыю. Не ад добрага жыцця ён пачынае размаўляць з першай лэдзі Нігерыі.

Ягонае кола ўжо даўно абмежаванае Пуціным, Такаевым, былымі сябрамі Савецкага саюза і прывітальнымі тэлеграмамі ці спачуваннямі.

А яму вельмі хочацца пашырыць гэтае кола і зноў стаць "сваім хлопцам". Але ўкраінцы памятаюць, адкуль быў наступ у 2022 годзе. Таму ў Лукашэнкі няма шанцаў стаць "сваім хлопцам" для Украіны. Нават калі ён заўтра прывязе мір, мы ўсё памятаем, і прабачэння яму і ягонаму рэжыму не будзе, – сказаў Ступак.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com