Рабэрту Метсолу пераабралі кіраўніцай Еўрапарламента

Пераважнай большасцю галасоў.

Новы склад Еўрапейскага парламента на першым пленарным пасяджэнні пасля выбараў у аўторак, 16 ліпеня, пераважнай большасцю галасоў пераабраў Рабэрту Метсолу прэзідэнткай.

Пра гэта паведамляе "Еўрапейская праўда".

У галасаванні за новага прэзідэнта Еўрапарламента ўдзельнічалі 623 дэпутаты. Метсола, якая прадстаўляе Еўрапейскую народную партыю, атрымала 562 галасы – істотна больш за мінімальна неабходныя 312.

Яе апанентка, прадстаўніца левых Ірэн Мантэра, атрымала толькі 61 голас.

Метсола зараз будзе выконваць абавязкі старшыні парламенцкага органа ЕЗ наступныя два з паловай гады. Яе могуць пераабраць яшчэ на столькі ж у студзені 2027 года.

У першай прамове пасля абрання прэзідэнтка Еўрапарламента паабяцала змагацца за "Еўропу для ўсіх" і бараніць "ідэалы, якія часам успрымаюцца як належнае".

Нагадаем, Рабэрта Метсола, якая прадстаўляе Мальту, узначальвала Еўрапарламент апошнія два гады, яе абралі на гэтую пасаду ў пачатку 2022-га.

Яна стала першай з топ-чыноўнікаў Еўразвяза, якія прыехалі ў Кіеў пасля пачатку поўнамаштабнай вайны.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com