Беларусам стане прасцей лятаць у адну з краін Азіі

Абяцаюць, што на 15 дзён можна аформіць візу па прылёце.

Беларусь апынулася ў спісе краін, грамадзянам якіх можна будзе ўклеіць візу Тайланда ў аэрапорце, калі турыстычная паездка не перавышае 15 дзён. Інфармацыя аб гэтым апублікаваная на сайце міністэрства замежных спраў каралеўства. Афіцыйнага пацвярджэння ад консульства ў Менску "Онлайнер" пакуль не атрымаў.

Як беларусы атрымліваюць візу зараз?

Ужо некалькі гадоў ходзяць чуткі аб бязвізавым уездзе для беларусаў у Тайланд, але пакуль усё спынілася на этапе перамоў. Цяпер тэрмін атрымання турыстычнай візы складае мінімум 18 каляндарных дзён. Патрабуецца вялікі спіс дакументаў - авіябілеты, аплачанае рэзерваванне жылля, выпіска з рахунку для пацвярджэння фінансавай заможнасці, дазвол на выезд дзіцяці і г.д.

Пакет дакументаў прымае ганаровае консульства каралеўства Тайланд у Менску і накіроўвае для разгляду ў пасольства ў Маскве. Можна зрабіць тэрміновую турыстычных візу "пад ключ" праз агенцтва.

Для каго Тайланд увёў паслабленні?

У СМІ паведамляюць, што з 15 ліпеня каралеўства пайшло на значныя паслабленні для турыстаў з большасці краін свету. Колькасць бязвізавых краін на 60 дзён вырасла з 57 да 93. Таксама пашыраны спіс дзяржаў, грамадзяне якіх могуць афармляць візу па прылёце, - з 19 да 31. У іх ліку апынулася і Беларусь. Ёсць нюанс: тэрмін знаходжання ў краіне пры такім варыянце абмежаваны 15 днямі. «Зімоўшчыкам» не пасуе, але для класічнага адпачынку часу дастаткова.

Як піша выданне Novostiphuketa.asia, на істотныя паслабленні ў візавых правілах урад пайшоў на фоне адставання ад прагнозаў у росце эканомікі.

Колькі будзе каштаваць віза?

На сайце міністэрства замежных спраў Тайланда пазначаная, што кошт візы па прылёце складзе 2000 тайскіх бат (блізу $55). Цяпер аднаразовая віза для беларусаў каштуе $40 даляраў, яшчэ 70 рублёў складае консульскі збор.

Ці спатрэбіцца нешта акрамя пашпарта для афармлення візы па прылёце, пакуль невядома.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com