УСУ знішчылі расейскі комплекс С-300 у Данецкай вобласці

Сырскі паказаў відэа.

Сілы абароны Украіны апоўначы падбілі расейскі комплекс С-300 у часова акупаванай частцы Данецкай вобласці.

Відэа апублікаваў галоўны камандзір Узброеных сілаў Украіны Аляксандр Сырскі ў сябе ў Facebook.

«Выказваю падзяку воінам за паспяховае выкананне баявога задання! Сёння апоўначы падраздзяленні ракетных войскаў Узброеных сілаў Украіны ва ўзаемадзеянні з іншымі складнікамі Сілаў абароны нанеслі ўдар па варожым комплексе С-300 на тэрыторыі часова акупаванай Данецкай вобласці. Паводле інфармацыі выведкі, пацверджаная параза радыёлакацыйнай станцыі і пускавых установак ворага», – напісаў ён.

Паводле словаў Сырскага, больш падрабязная інфармацыя пра наступствы ўдару ўдакладняецца. Аднак гэта ўжо не першая супольная ўдалая праца ўкраінскіх ракетчыкаў і прадстаўнікоў іншых складнікаў сілаў абароны па важных ваенных цэлях РФ. Сярод іншага, раней ужо было знішчана больш за 20 пускавых установак і блізу 15 радыёлакацыйных станцый.

«Прадаўжаем сістэмна знішчаць патэнцыял расейскай СПА, ствараючы спрыяльныя ўмовы для паспяховага выкарыстання ўдарных авіяцыйных сродкаў», – дадаў ён.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com