Украіна атрымала ад Чэхіі першыя 50 тысячаў артснарадаў

Частка з іх ужо знішчае расейскіх акупантаў на фронце.

Частка артснарадаў, якія Украіна атрымала ў рамках чэшскай ініцыятывы, ужо знаходзіцца на лініі фронту ў вайне супраць РФ. Пра гэта 16 ліпеня ў Празе на супольнай прэс-канферэнцыі з прэм'ер-міністрам Чэхіі Пятром Фіялам паведаміў кіраўнік украінскага ўраду Дзяніс Шмыгаль.

Відэазапіс апублікаваны на YouTube-канале Кабміна Украіны.

Паводле словаў Шмыгаля, падчас ягонага візіту ў Чэхію для ўдзелу ў другім раўндзе міжурадавых кансультацый важным пунктам была рэалізацыя чэшскай ініцыятывы ў пастаўцы артылерыйскіх боепрыпасаў украінскім вайскоўцам.

«Гэтая ініцыятыва ўжо дзейнічае – першыя 50 тыс. снарадаў ужо паступілі ва Украіну. Частка з іх ужо на лініі фронту – знішчае расейскіх акупантаў», – падкрэсліў прэм'ер.

Шмыгаль таксама выказаў надзею на рэалізацыю супольных праектаў паміж краінамі ў вытворчасці боепрыпасаў у Чэхіі ці ў бяспечных месцах ва Украіне.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com