У прыгарадзе Менска прадаюць лецішча-«падманку»

Знадворку - сціплае, а ўнутры - стылёвы дызайн і нетыповы інтэр'ер.

У адным з садовых таварыстваў у Менскім раёне прадаецца лецішча, яго фасад з вуліцы выглядае даволі звычайным, а вось інтэр'ер і "начынне" ўнутры тыповымі не назавеш. «Зеркало» паглядзела, што гэта за аб'ект і колькі грошай за яго хоча атрымаць прадавец.

Нерухомасць знаходзіцца ў садовым таварыстве "Надзея-Шчарбіны", гэта ў бок Заслаўя, за 24 км ад Менска. Пляц займае плошчу 8,25 соткі, ён размешчаны на ўскраіне на тупіковай вуліцы, з яго адкрываецца від на поле і лес. Тэрыторыя абгароджаная, уезд на яе праз адкатную браму, якая адкрываецца праз пульт.

У 2023 годзе на пляцы пабудавалі аднапавярховы дом, яго агульная плошча складае 160 м ², жылая - 71 м². Унутры арганізаваны чатыры спальні, ёсць два санвузлы, вялікая кухня-гасцёўня плошчай 43 "квадраты". У гесцёўні устаноўленыя вокны да падлогу, таксама ёсць мансардныя вокны.

Дом з мэбляй, на кухні ўстаноўленая тэхніка Bosch - варачная панэль, духавая шафа, пасудамыка.

Ёсць асобна саўна з тэрасай, пакоем адпачынку, прыбіральняй і летняй кухняй.

Ацяпленне ў доме электрычнае. Ёсць кандыцыянер, улетку ён працуе на астуджэнне, узімку можа быць уключаны на абаграванне. Вада падаецца праз сваю свідравіну, прасвідраваную на глыбіню 86 метраў. Каналізацыя мясцовая, устаноўленыя дзве васьмікубавыя ацынкаваныя пераліўныя бочкі.

Нерухомасць прадаецца за 345 157 рублёў ці 108 000 даляраў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com