Мядзведзеў апраўдаў ядзерны ўдар законамі старажытнага Вавілона

Новая порцыя трызнення ад забароны Савета бяспекі РФ.

Законы старажытнага Вавілона і Індыі, а таксама Стары Запавет і Каран даюць Расеі права выкарыстоўваць ядзерную зброю супраць сваіх супраціўнікаў на Захадзе, заявіў намеснік старшыні Савета бяспекі РФ Дзмітрый Мядзведзеў.

«Прынцып «вока за вока, зуб за зуб» носіць гістарычны характар. Ён быў пазначаны ўжо ў Законах Хамурапі, Законах Ману, Законах 12 табліц і, вядома, у Старым Запавеце і ў Каране. Так што за зло можна і часам трэба плаціць злом», - сказаў Мядзведзеў у інтэрв'ю «Аргументам и фактам».

Аднак, паводле ягоных слоў, Расея думае пра лёсы «мільёнаў людзей» і ўсведамляе сваю «гістарычную адказнасць» перад чалавецтвам. «Пакуль што нам, падкрэслю - менавіта нам, - удаецца не дапусціць найгоршага зыходу падзей. Пры гэтым мы маем маральнае і юрыдычнае права даць адэкватны, сіметрычны ці асіметрычны адказ на прамую шкоду нашай бяспецы і суверэнітэту. Гэта ўстаноўлена ў тым ліку і ў нашых Асновах дзяржаўнай палітыкі ў галіне ядзернага стрымлівання», - адзначыў намеснік старшыні Савета бяспекі.

На ягоную думку, калі Расея адмовіцца ад ядзернай зброі, яе можа чакаць распад і «поўны крах», якога «так хацелі і хочуць англасаксонскія эліты».

У канцы траўня Мядзведзеў прыстрашыў краіны NАТО прымяніць тактычную ядзерную зброю, калі Украіна пачне біць заходнімі дальнабойнымі ракетамі па расейскай тэрыторыі. «А для тых варожых краін, чые землі далей зоны пакрыцця ТЯЗ (тактычная ядзерная зброя), ёсць, нарэшце, стратэгічны патэнцыял. І гэта, на жаль, ніякае не запалохванне і не ядзерны блеф. Цяперашні ваенны канфлікт з Захадам развіваецца паводле самага дрэннага сцэнара», - адзначаў намеснік старшыні Савета бяспекі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com