У Менску ў канцы ліпеня адкрыюць культавы клуб нулявых

"Рэактар" вяртаецца.

Легендарны клуб "Рэактар" вяртаецца. На 26-28 ліпеня арганізатары абяцаюць "неверагодны weekend-адкрыццё", піша citydog.io.

Што яшчэ за “Рэактар”

Культавы начны клуб на Веры Харужай, 29, дзе любіла бавіцца менская моладзь нулявых, адкрыўся яшчэ ў канцы 1990-х. У 2011-м яго закрылі на рамонт, але перазапусцілі праект ужо на новым месцы пад назвай Re:Public (вул. Прытыцкага, 62), а ў тым самым будынку на Харужай у 2016 годзе адкрылі гламурны Rich Cat.

І чаго чакаць?

Як распавяла новая ўладальніца памяшкання легендарнага "Рэактара" Святлана Рамонка ў інтэрв'ю Onliner.by, "аднавіць легенду" яны з партнёрам надумалі адразу, як толькі ўбачылі інфармацыю аб закрыцці Rich Cat. Сама дзяўчына ў мінулым арганізатарка рок-канцэртаў у менскіх клубах, працавала з гуртамі «Пілот» і «Кукрыніксы».

“Я патэлефанавала стваральніку арыгінальнага "Рэактара", і ён афіцыйна ўхваліў ідэю і дазволіў карыстацца назвай. Ён быў вельмі рады, што ягонае стварэнне атрымае новае жыццё”, – дзеліцца Святлана.

З вясны ў памяшканні актыўна ідзе рамонт, і вось ужо 26-28 ліпеня абяцаюць грандыёзнае адкрыццё.

У планах у арганізатараў "захаваць рознабаковую працу клуба і аб'яднаць пад адным дахам усе субкультуры - ад року да рэйву і рэпу". Апроч вечарынак у клубе хочуць праводзіць жывыя канцэрты беларускіх музыкаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com