Беларуска заплаціла $730 за ноўтбук і аддала амаль столькі ж за «дадатковыя паслугі»
58- 17.07.2024, 15:45
- 9,560
![Беларуска заплаціла $730 за ноўтбук і аддала амаль столькі ж за «дадатковыя паслугі»](https://i.c97.org/p/articles/ai-152750-aux-head-zajavka_v_zhek_cherez_komp_360.jpg)
Толькі ўстаноўка Windows каштавала $245.
Купля ноўтбука Lenovo Idea Pad у "Электрасіле" заплаціла беларуска 4 283 рублі і 20 капеек. Амаль палова гэтай сумы пайшла на аплату "дадатковых паслуг", паведаміла суполка абароны правоў спажыўцоў у Беларусі ў сацсетцы.
Пералік і кошт усіх дадатковых паслуг былі пералічаныя ў дакуменце, які пацвярджае адабрэнне кліентцы крэдыту тэрмінам на 60 месяцаў.
Сам ноўтбук каштаваў жанчыне 2389 рублі. За ўстаноўку аперацыйнай сістэмы Windows Home яна аддала 799,90 рубля, опцыя "Настройка ПК Прэміум + Office" каштавала 279,90 рубля, гарантыя на 36 месяцаў – 364,90 рубля, опцыя "Настройка ПК-прэміум + Касперскі" – 89,90 рубля.
Пры гэтым антывірус у дакуменце пазначаны ў колькасці пяці штук, гэта значыць агулам з кліенткі вылічылі 449,50 рубля.
![](https://i.c97.org/ai/603216/aux-1721220253-minsk_belaruska_kredit_2024_1.jpg)