«У інтарэсах ЗША не дапусціць вяртання расейскага газу і нафты ў Еўропу»
7- 17.07.2024, 15:51
- 2,282
![«У інтарэсах ЗША не дапусціць вяртання расейскага газу і нафты ў Еўропу»](https://i.c97.org/p/articles/ai-161381-aux-head-gaz_360.jpg)
Вэнсу будзе важна захаваць гэты разрыў паміж Еўропай і РФ.
Наконт прызначэння патэнцыйным віцэ-прэзідэнтам ЗША Джэймса Вэнса я б не рабіў паспешных высноў, напісаў у «Фэйсбуку» украінскі народны дэпутат ад «Слугі народа» Ягор Чэрнеў.
Так, ён не вельмі карэктна выказваўся пра Украіну, але ён выказваў сваё асабістае чалавечае стаўленне ці кан'юнктурнае палітычнае.
Іншая рэч, што ў выпадку трапляння ў Белы дом чалавек/палітык Джэймс Вэнс ператворыцца (ёсць надзея) у дзяржаўную функцыю - віцэ-прэзідэнта. І там логіка прыняцця пастаноў ужо будзе зусім іншай.
А логіка нацыянальных інтарэсаў ЗША сёння такая, што ім неабходна не дапусціць вяртання таннага расейскага газу і нафты на еўрапейскі рынак, адкуль расейцаў з такім намаганнем выцеснілі.
Сёння ў амерыканскіх энэргетычных кампаній ёсць у Еўропе такія прыбыткі, аб якіх яшчэ некалькі гадоў таму яны не маглі нават марыць.
Больш за тое, і сам Вэнс, як пішуць, звязаны з энэргаздабывальнай галіной Амерыкі.
А гэта значыць, што для Вэнса, як і кожнага прадстаўніка Белага дома, важна захаваць разрыў паміж Еўропай і Расеяй. Таму зняцце санкцый або іншыя саступкі, якія маглі б узмацніць Расею ў Еўропе, дакладна не ў інтарэсах ЗША.