Пуцін абвінаваціў майнераў крыптавалют у недахопе электраэнэргіі ў Расеі

Расейскія ўлады рыхтуюцца ўзмацніць жорсткасць кантролю за майнінгам.

Дэфіцыт электраэнэргіі ў некаторых расейскіх рэгіёнах узнік праз некантраляваны рост спажывання электрычнасці для здабычы крыптавалют, заявіў Уладзімір Пуцін падчас нарады ў эканамічных пытаннях. Са слоў дыктатара, зараз з праблемай сутыкнуліся жыхары Іркуцкай вобласці, Бураціі, Забайкальскага краю і яна можа распаўсюдзіцца на іншыя рэгіёны РФ.

«Відавочна: калі не будзе свабоднай магутнасці, калі яна будзе «абраная» так званымі майнінгавымі фермамі, то новыя прадпрыемствы, жылыя кварталы, сацыяльныя аб'екты сутыкнуцца з перабоямі паставак, з недахопам электраэнэргіі, а перспектыўныя інвестыцыйныя і інфраструктурныя праекты будуць пастаўленыя на паўзу», - сказаў ён.

Паводле інфармацыі Мінэнэрга РФ, кожны год у краіне на мэты крыптамайнінгу выдаткоўваецца 16 млрд кВт·г электраэнэргіі, гэта значыць, амаль 1,5% ад агульнага энэргаспажывання ў Расеі, і спажыванне крыптамайнінгам электрычнасці працягвае павялічвацца, адзначыў Пуцін: «Тут трэба прыняць правільныя, своечасовыя пастановы, у тым ліку сістэмныя, на ўзроўні федэральнага закона. Ужо даваў даручэнні ўрэгуляваць майнінг лічбавых валют у Расеі, уключаючы пытанні падаткаабкладання гэтай дзейнасці і тарыфныя развязанні».

Дыктатар таксама заклікаў удзельнікаў нарады абмеркаваць, «што ўдалося зрабіць і як у далейшым павінна быць пабудаваная гэта работа».

Увосень мінулага года стала вядома, што Мінэнэрга збіраецца ў 2-5 разоў павысіць тарыфы на электраэнэргію для кампаній, якія займаюцца майнінгам крыптавалюты. Як пісаў «Коммерсант» са спасылкай на крыніцы, тарыфы планавалася павысіць там, дзе назіраецца недахоп генерацыі, ёсць рызыкі парушэння энэргазабеспячэння і праблемы з падключэннем новых спажыўцоў: у Бураціі, Забайкальскім краі і Іркуцкай вобласці.

У траўні «Известия» са спасылкай на дакумент экспертнай рады пры ўрадзе паведамілі, што расейскія ўлады рыхтуюцца ўзмацніць жорсткасць кантролю за майнінгам крыптавалюты і пачаць выяўляць ценявых майнераў. Ценявыя майнеры - гэта людзі, якія без рэгістрацыі бізнэсу ўсталёўваюць у жылых дамах і гаражах абсталяванне для здабычы крыптавалюты, якое спажывае вялікі аб'ём электраэнэргіі. Для іх выяўлення эксперты рэкамендавалі ўраду пачаць дыстанцыйна атрымліваць звесткі з электралічыльнікаў і параўноўваць іх з заяўленымі паказаннямі ў квітанцыях. Пры моцным разыходжанні звестак прапаноўвалася прызначаць абаненту штраф у суме перавышанага аб'ёму энэргіі, але разлічваць яго кошт па тарыфе для прамысловых прадпрыемстваў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com