Самалёт AirBaltic прабыў амаль 20 хвілін у паветранай прасторы Беларусі
6- 17.07.2024, 19:29
- 12,022
![Самалёт AirBaltic прабыў амаль 20 хвілін у паветранай прасторы Беларусі](https://i.c97.org/ai/271551/aux-head-1512577573-airbaltik_360.jpeg)
Што адбылося.
Самалёт латвійскай авіякампаніі AirBaltic, які рухаўся з Рыгі ў Прышціну, у ноч на 17 ліпеня праз моцную буру на мяжы Літвы і Польшчы вымушаны быў змяніць курс, у сувязі з чым 20 хвілін знаходзіўся ў паветранай прасторы Беларусі, паведамляе delfi.lt.
Гэтая інфармацыя пацвярджаецца трэкінгам на сайце flightradar24: рэйс ВТ743 сапраўды зайшоў у паветраную прастору Беларусі з Літвы, праляцеў над тэрыторыяй Гарадзенскай і Берасцейскай абласцей і накіраваўся ў паветраную прастору Польшчы.
Такім чынам, быў вымушана парушаны паветраны байкот Беларусі, які пачаўся пасля незапланаванай пасадкі самалёта ірландскай авіякампаніі Ryanair, які ляцеў 23 траўня 2021 года з Афін у Вільню. Лайнер вымусілі прызямліцца ў Менску ў сувязі з паведамленнем аб яго мінаванні, якое пасля выявілася ілжывым. Пазней у менскім аэрапорце былі затрыманыя два пасажыры.
На наступны дзень Рада ЕЗ заклікала правесці расследаванне інцыдэнту, настойліва рэкамендавала еўрапейскім авіяперавознікам спыніць палёты ў Беларусь і над яе тэрыторыяй, а з чэрвеня 2021 года закрыла неба над Еўропай для беларускіх дзяржаўных авіякампаній.