AP: Амаль дзве траціны дэмакратаў хочуць, каб Байдэн зняўся з выбараў

Новае апытанне імкліва падарвала заяву прэзідэнта ЗША аб тым, што «шараговыя дэмакраты» ўсё яшчэ з ім.

Амаль дзве траціны дэмакратаў мяркуюць, што прэзідэнт Джо Байдэн павінен выйсці з прэзідэнцкай гонкі і дазволіць сваёй партыі вылучыць іншага кандыдата.

Пра гэта паведамляе AP News.

Новае апытанне, праведзенае Цэнтрам даследаванняў грамадскіх дачыненняў AP-NORC, значна падарвала заяву Байдэна аб тым, што «шараговыя дэмакраты» ўсё яшчэ з ім, нават калі некаторыя «вялікія імёны» адварочваюцца ад яго.

Да таго ж гэтае апытанне паказала, што толькі блізу 3 з 10 дэмакратаў абсалютна ці вельмі ўпэўненыя, што прэзідэнт дагэтуль мае разумовыя здольнасці, неабходныя для эфектыўнай працы на пасадзе прэзідэнта, што крыху менш, чым 40% у апытанні AP-NORC у лютым..

Гэтыя звесткі падкрэсліваюць выклікі, з якімі сутыкаецца 81-гадовы прэзідэнт, спрабуючы заглушыць заклікі ўнутры ўласнай партыі выйсці з гонкі і пераканаць дэмакратаў, што ён з'яўляецца найлепшым кандыдатам для перамогі над асноўным апанентам і былым прэзідэнтам ЗША Дональдам Трампам.

Выданне адзначыла, што большая частка апытання праводзілася пераважна да суботняга замаху на Трампа на перадвыбарчым мітынгу ў Пенсільваніі.

Невядома, ці паўплывала стральба на погляды людзей на Байдэна, але невялікая колькасць апытанняў, скончаных пасля стральбы, не дала ніякіх ранніх прыкмет таго, што яго перспектывы палепшыліся.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com