«Сцэна, годная серыяла»
- 17.07.2024, 21:16
- 5,778
![«Сцэна, годная серыяла»](https://i.c97.org/ai/603252/aux-head-1721238547-20240101_aes_360.jpg)
Беларуска ўцякала на Opel ад судовых выканаўцаў.
Нядаўні рэйд судовых выканаўцаў у Гомельскім раёне прайшоў не паводле класічнага сцэнарыя. Завінавачаная надумала выратаваць сваё аўто ад арышту і зладзіла пагоню. У выніку жанчыну здагналі і аўто ўсё ж арыштавалі, перадае «Онлайнер».
Як распавялі ў Галоўнай управе юстыцыі Гомельскага аблвыканкама, у 36-гадовай прадпрымальніцы былі сур'ёзныя праблемы з вяртаннем пазык. Жанчына ўзяла некалькі пазык на суму 28 тысяч рублёў, на ёй віселі 18 выканаўчых спраў. Ва ўласнасці ў завінавачанай лічыўся Opel, але ён нібы знаходзіўся ў Расеі.
«Аднак у адзін з рэйдаў аўто знайшлося прыпаркаваным ля дома завінавачанай. Убачыўшы судовых выканаўцаў, гаспадыня кінулася за стырно і вылецела на дарогу. Службовы аўтамабіль рушыў следам за ёй. Неўзабаве ўцякачка ўсвядоміла, што сысці ад закона не атрымаецца, і спынілася», - паведамляюць у ведамстве.
Арыштаваны Opel прададуць на таргах. Атрыманыя грошы пойдуць на выплату пазыкі.