Літва канчаткова выходзіць з канвенцыі аб касетных боепрыпасах

Чым матываваны такі крок?

Сейм Літвы ў чацвер, 18 ліпеня, канчаткова дэнансаваў Канвенцыю аб забароне выкарыстання касетных боепрыпасаў, паведамляе LRT.

Выхад Літвы з гэтай міжнароднай дамовы здымае абмежаванні на набыццё, назапашванне і, у выпадку вайны, ужыванне касетных боепрыпасаў.

За дэнансацыю канвенцыі прагаласавалі 103 парламентарыі, адзін быў супраць, трое ўстрымаліся.

Адзін з ініцыятараў выхаду, міністр абароны Літвы Лаўрынас Кашчунас, заявіў, што гэты крок матываваны зменай геапалітычнай сітуацыі.

«Такія канвенцыі дзейнічаюць тады, калі іх прытрымліваюцца ўсе краіны. У гэтым выпадку праблема палягае ў тым, што Расейская Федэрацыя, якая ажыццяўляе агрэсію супраць Украіны і мае імперыялістычныя амбіцыі, не прытрымліваецца гэтых правілаў», - заявіў Кашчунас у Сейме.

Міністр таксама запэўніў, што сучасныя касетныя боепрыпасы значна больш бяспечныя, а наступствы іх выкарыстання можна кантраляваць.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com