Віталь Цыганкоў: Пуцін напірае, каб Лукашэнка адправіў войска ва Украіну

Адбыўся істотны паварот.

У апошнія тыдні адбыліся некалькі прыкметных палітычных падзеяў, якія складваюцца ў пэўны лагічны ланцужок, які трэба прааналізаваць і асэнсаваць, піша ў «Фэйсбуку» беларускі палітолаг Віталь Цыганкоў:

- Яшчэ 3 ліпеня Лукашэнка заяўляе аб напружанасці на ўкраінскай мяжы і кажа, што «апошнім часам было нібыта тысячы званкоў у вайсковыя камісарыяты ад людзей, якія просяць іх узяць у войска і даць зброю». На ўкраінскую мяжу пачынаюць рухацца беларускія войскі. Пад адпаведныя завыванні прапаганды.

13 ліпеня, падчас наведвання 56-га зенітнага ракетнага палка ў Лунінецкім раёне, нечакана, як здаецца, нават для сваіх генералаў (такое ўражанне, што Лукашэнка зрабіў гэтую заяву так, каб ніхто не мог яму патэлефанаваць і перашкодзіць), Лукашэнка заяўляе пра «ліквідацыю напружанасці каля мяжы з Украінай».

«Цяпер у нас ускладненняў ніякіх няма з украінцамі і я спадзяюся, што і не будзе. Таму не павінна быць ніякіх лішніх мерапрыемстваў».

Войскі рэальна адводзяцца, што пацвярджаюць і беларускія генералы, і ўкраінскія крыніцы. І што далей? А далей над Беларуссю раптам пачынаюць ляцець расейскія дроны, якія нясуць да 40 кг выбуховага рэчыва. Адзін, як паведамляецца, у ноч на 13 ліпеня (адразу пасля заявы Лукашэнкі аб адводзе войск) праляцеў амаль 350 км па тэрыторыі Беларусі ў кірунку «Славянскага базару», дзе якраз знаходзіўся Лукашэнка.

Супадзенне? Не думаю!

Мне здаецца, мы назіраем даволі істотны паварот. Раней, зыходзячы з усіх вядомых нам публічных заяў і дзеянняў, мы рабілі высновы, што Лукашэнку ўдаецца пераканаць Пуціна, што непасрэдны ўдзел беларускіх войск у вайне не патрэбны.

Дык вось гэтая канстатацыя, вельмі імаверна, зараз мяняецца. Выглядае, што Масква напірае і намагае, рознымі намёкамі і канкрэтнымі дзеяннямі, накшталт такіх, якія я апісаў вышэй, патрабуючы, каб Лукашэнка ўступіў у вайну.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com