ЗША прапануюць $10 мільёнаў за інфармацыю аб кіраўніках «фабрыкі троляў» Прыгожына
4- 18.07.2024, 15:18
- 2,116
Іх уважаюць за датычных да ўмяшання ў выбары ў ЗША.
Улады Злучаных Штатаў абвясцілі ўзнагароду на $10 млн за інфармацыю пра расейскага прапагандыста Аляксандра Малькевіча, шчыльна звязанага са структурамі Яўгена Прыгожына, і Алену Хусяйнаву — бухгалтарку прыгожынскай «фабрыкі троляў». У ЗША іх разглядаюць як датычных да ўмяшання ў амерыканскія выбары, вынікае з паведамлення Rewards for Justice, апублікаванага ў сацсетцы Х.
Rewards for Justice - гэта створаная ўрадам ЗША ініцыятыва, якая прапануе ўзнагароду за інфармацыю, якая дапаможа прадухіліць тэрарыстычныя акты, затрымаць тэрарыстаў і спонсараў тэрарызму або раскрыць злачынствы, звязаныя з тэрорам.
«Малькевіч садзейнічаў глабальным аперацыям для ўплыву ад імя Яўгена Прыгожына, які фінансаваў агенцтва інтэрнэт-даследаванняў «фабрыка троляў». Хусяйнава працавала ў праекце «Лахта», які належаў Прыгожыну, — адзначаецца ў паведамленні.