УСУ знішчылі яшчэ адзін расейскі комплекс С-300
1- 18.07.2024, 18:39
- 5,030
![УСУ знішчылі яшчэ адзін расейскі комплекс С-300](https://i.c97.org/ai/564889/aux-head-1695409403-20230919_ATACMS_360.jpg)
Для нападу ўкраінцы выкарыстоўвалі чатыры ракеты з касетнымі боепрыпасамі ATACMS.
УСУ змаглі знішчыць сучасную расейскую сістэму СПА С-300 пад Марыюпалем. Аб гэтым піша выданне Bild, якое вывучыла відэазапіс удару. Комплекс, які складаецца з радарнай усталёўкі, цэнтра кіравання агнём і некалькіх мабільных пускавых установак, быў знішчаны 16 ліпеня.
Для нападу ўкраінскія вайскоўцы выкарыстоўвалі чатыры ракеты з касетнымі боепрыпасамі ATACMS, якія былі запушчаныя з дапамогай сістэм Himars або ўсталёвак M270, перададзеных Нямеччынай, адзначае выданне. На карысць версіі аб ужыванні УСУ менавіта ATACMS кажа і той факт, што знішчаны С-300 знаходзіўся за 95 кіламетраў ад лініі фронту.
Са слоў гетмана УСУ Аляксандра Сырскага, цяпер Украіна знішчыла больш за 20 расейскіх пускавых установак і блізу 15 радыёлакацыйных станцый С-300, а таксама не менш за чатыры агнявыя адзінкі С-400 і дзясяткі сістэм “Тор” і “Бук”. "Мы працягваем планамерна знішчаць патэнцыял расейскай супрацьпаветранай абароны і тым самым ствараем спрыяльныя ўмовы для паспяховага разгортвання баявых самалётаў", – казаў раней гетман, маючы на ўвазе будучыя пастаўкі знішчальнікаў F-16.