Захарава абвінаваціла Захад у падрыхтоўцы замаху на Пуціна

Прадстаўніцу МЗС РФ напалохала заява Буданава.

Украіна рыхтавала замах на Уладзіміра Пуціна пры спрыянні Захаду, мяркуе афіцыйная прадстаўніца расейскага МЗС Марыя Захарава. Падчас брыфінгу яна нагадала аб нядаўняй заяве кіраўніка ўкраінскай выведкі Кірылы Буданава, у якой ён паведаміў, што СБУ раней спрабавала ліквідаваць Пуціна. «Няма сумневу ў тым, што такія злачынствы планаваліся і фінансаваліся пры непасрэдным удзеле англасаксонскіх гаспадароў кіеўскага рэжыму”, - сказала расейская дыпламатка.

Пры гэтым яна дадала, што калектыўны Захад такім чынам "робіцца суўдзельнікам гэтай злачыннай дзейнасці".

13 ліпеня выданне New Voice апублікавала інтэрв'ю з Буданавым, у якім той паведаміў, што ўкраінскія спецслужбы неаднаразова спрабавалі арганізаваць замахі на Уладзіміра Пуціна, аднак поспеху яны не мелі. Прэс-сакратар прэзідэнта РФ Дзмітрый Пяскоў, каментуючы заяву кіраўніка ГУВ, адзначыў, што бяспека кіраўніка дзяржавы забяспечваецца на належным узроўні, паколькі пагроза ад Кіева відавочная. Раней на афіцыйным узроўні аб спробах учыніць замах на Пуціна ніхто не заяўляў.

Летась увесну намеснік кіраўніка ГУВ Украіны Вадзім Скібіцкі казаў, што Пуцін з'яўляецца адной з мэтаў украінскіх спецслужбаў. Пры гэтым ён адзначаў: расейскі кіраўнік дзяржавы знаходзіцца "на вяршыні спісу". За некалькі дзён да гэтага Кірыл Буданаў называў Пуціна “законнай мэтай” для Украіны.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com