У беларускіх першакласнікаў з верасня з'явіцца новы прадмет

Чаму будуць вучыць.

У беларускіх школах з новага навучальнага года з'явіцца новы прадмет - "Уводзіны ў школьнае жыццё". Яго праграма апублікаваная на Нацыянальным прававым інтэрнэт-партале.

У Мінадукацыі мяркуюць, што прадмет дапаможа аблегчыць першакласнікам адаптацыю да школьнага працэсу. Асноўныя задачы курса - фармаванне вучэбнай матывацыі, станоўчага стаўлення да школы і агульнанавучальных навыкаў. Урокі будуць праходзіць з выкарыстаннем гульняў і развівальных практыкаванняў. Праграма разлічаная на 20 дзён. Гэта 60 навучальных гадзін (15 гадзін на тыдзень).

Першакласнікаў, сярод іншага, будуць вучыць, як правільна сядзець, трымаць асадку, распазнаваць эмоцыі чалавека, правільна размаўляць, супрацоўнічаць з іншымі людзьмі. Таксама будуць выхоўваць і развіваць асабістыя якасці. Гэты пункт мае на ўвазе ў тым ліку і «павагу да дзяржаўных сімвалаў Рэспублікі Беларусь. Павагу да гісторыі і традыцый Рэспублікі Беларусь».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com