Шольц адмовіў Зяленскаму ў просьбе збіваць ракеты РФ над Украінай

Канцлер Нямеччыны заявіў, што "пра такія крокі не можа ісці гаворка".

Канцлер ФРГ Олаф Шольц адхіліў звернутыя да заходніх супольнікаў просьбу прэзідэнта Украіны Уладзіміра Зяленскага збіваць сваёй зброяй расейскія ракеты і дроны над тэрыторыяй Украіны. Пра гэта паведаміла DW увечары ў чацвер, 18 ліпеня.

На прэс-канферэнцыі пасля саміту Еўрапейскай палітычнай супольнасці ў брытанскім горадзе Вудсток, куды быў запрошаны і Уладзімір Зяленскі, кіраўнік нямецкага ўрада Шольц чарговым разам адпрэчыў просьбу ўкраінскага лідара.

«Я назіраю такі кансэнсус, што пра такія крокі не можа ісці гаворка. ЗША ў гэтым пытанні таксама займаюць вельмі выразную пазіцыю», - сказаў Шольц.

Зяленскі скарыстаўся магчымасцю выступіць на саміце Еўрапейскай палітычнай супольнасці, каб заклікаць супольнікаў Кіева ўзмацніць яго падтрымку ў вайне з Расеяй, збіваючы сваёй зброяй расейскія ракеты і дроны над тэрыторыяй Украіны. Паводле слоў Зяленскага, у красавіку іранскі напад на Ізраіль з выкарыстаннем больш як 300 ракет і дронаў быў адбіты з удзелам самалётаў і сістэм СПА ЗША, Вялікабрытаніі і Францыі.

Украіна заклікала краіны NАТО ўсталяваць беспалётную зону над тэрыторыяй краіны яшчэ ў пачатку поўнамаштабнага расейскага ўварвання ў 2022 годзе. NАТО адказаў адмовай, паабяцаўшы абсталяваць украінскае войска сістэмамі СПА.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com