МЗС Польшчы: На мяжы з Беларуссю пазначыўся некаторы прагрэс

Варшава чакае першага рэальнага кроку з боку рэжыму Лукашэнкі.

Польшча чакае першага рэальнага кроку з боку Беларусі, сказаў прэс-сакратар МЗС Польшчы Павел Уроньскі, адказваючы на пытанне аб паляпшэнні стасункаў дзвюх краін. Ягоныя словы са спасылкай на PAP падае WNP.

Ён нагадаў, што ўмовы прагрэсу ў стасунках вядомыя: гэта спыненне гібрыднай атакі і прывозу мігрантаў на мяжу.

- Тут пазначыўся некаторы прагрэс, і плынь мігрантаў апошнім часам скарацілася, - адзначыў Уроньскі.

Іншым патрабаваннем з'яўляецца расследаванне забойства польскага салдата Матэвуша Сітэка, які быў смяротна паранены нажом на мяжы з Беларуссю. Польшча патрабуе выдаць выканаўцу злачынства. Са слоўпрадстаўніка МЗС, ёсць ускосныя доказы таго, што гэты злачынец вядомы беларускаму боку. І яго выдача магла б быць пачаткам.

Уроньскі згадаў таксама вызваленне палітвязняў, у тым ліку польскага журналіста Анджэя Пачобута.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com