Глабальны збой у працы IT-сістэм парушыў працу банкаў, СМІ і авіякампаній ва ўсім свеце
19- 19.07.2024, 10:48
- 7,652
На працоўных кампутарах Windows ва ўсім свеце з'явіліся “сінія экраны смерці”.
З усяго свету паступаюць паведамленні аб масавых збоях у працы кампутарных сістэм, што выкарыстоўваюцца для працы авіякампаній, банкаў і асноўных СМІ.
Праз праграмныя збоі авіякампаніі і аэрапорты масава касуюць рэйсы - а тыя, што ўжо вылецелі, шукаюць месца для экстранай пасадкі.
Прычына масавых парушэнняў у працы IT-сістэм пакуль не выяўленая, але ў кампаніі Microsoft заявілі, што прымаюць меры для змякчэння наступстваў.
Чыгуначныя кампаніі Брытаніі таксама заяўляюць, што сутыкаюцца з "шырока распаўсюджанымі праблемамі ў IT-сферы".
Тэлекампанія Sky News была вымушана перапыніць жывы эфір. Перабоі назіраюцца таксама і на Лонданскай фондавай біржы.
Карыстальнікі кампаніі Crowdstrike, якая займаецца кібербяспекай, паведамілі аб праблемах у Індыі, ЗША і Новай Зеландыі. Аэрапорт аўстралійскага Мельбурна праінфармаваў кліентаў, што "ўзнікла глабальная тэхналагічная праблема, якая ўплывае на працэдуры рэгістрацыі некаторых авіякампаній", там параілі пасажырам "запланаваць крыху больш часу на рэгістрацыю".
Crowdstrike паведаміла аб назіраных "сініх экранах смерці" і заявіла, што прычына расследуецца. Са звестак кампаніі, праблема звязана з яе прадуктам Falcon Sensor, і інжынерныя каманды працуюць над развязаннем, згодна з апавяшчэннем падтрымкі.
У ЗША адбыўся маштабны збой у працы авіякампаній: найбуйнейшыя перавозчыкі United Airlines, Delta Airlines і American Airlines прыпынілі палёты праз праблемы з сувяззю. З чым менавіта звязаныя непаладкі, не ўдакладняецца. Таксама аэрапорты Гішпаніі сутыкнуліся з "інцыдэнтам у кампутарнай сістэме", гэта можа прывесці да затрымак рэйсаў, паведаміла кампанія-аператар Aena.
Кампанія Turkish Airlines таксама папярэдзіла аб глабальным збоі, праз які ўзніклі сур'ёзныя праблемы з рэзерваваннем білетаў і рэгістрацыяй.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
