Стармер: Вялікабрытанія падвоіць падтрымку Украіны
5- 19.07.2024, 14:40
- 3,058
![Стармер: Вялікабрытанія падвоіць падтрымку Украіны](https://i.c97.org/ai/603484/aux-head-1721387857-20240719_stamer_zelenski_Getty_360.jpg)
Прэм'ер Вялікабрытаніі адзначыў непахісную падтрымку Кіева.
Прэм'ер Вялікабрытаніі Кір Стармер заявіў, што ягоная краіна падвоіць падтрымку Украіны.
Пра гэта паведамляе The Guardian.
Ён назваў візіт Зяленскага на Даўнінг-стрыт "сапраўднай падзеяй у гісторыі".
“Гэта вельмі, вельмі важная сустрэча для нас, і мы вельмі радыя вас тут бачыць. Для мяне вялікае задавальненне і прывілей вітаць вас на Даўнінг-стрыт сёння раніцай. Гэта сапраўдная частка гісторыі”, - сказаў прэм'ер Вялікабрытаніі.
Стармер адзначыў непахісную падтрымку Украіны з боку Вялікабрытаніі. Паводле ягоных слоў, агрэсія Расеі "недаравальная і не можа застацца бяскарнай".
Таксама прэм'ер сказаў, што Брытанія "падвоіць" падтрымку Украіны, і пацвердзіў, што сёння раніцай прыняў запрашэнне наведаць Украіну зноў у будучыні.