Раён Барысава захапілі кодла гадзюк

Камунальнікі не рэагуюць.

Нашэсце гадзюк перажываюць жыхары раёна Лядзішчаў Бабруйску. Мясцовыя звязваюць актывізацыю змей з недагледжанасцю раёна.

Тут рэдка косяць траву. У некаторых месцах яна дасягае росту чалавека - у такім асяроддзі змеі адчуваюць сябе камфортна і размнажаюцца, піша Onliner.

«Лядзішчы — былое вайсковае мястэчка. І зараз гэты раён, можна сказаць, у заняпадзе: дарогі разбітыя, смеццевыя бакі іржавыя, трава няскошаная. Не дзіўна, што ў нас завяліся змеі», - распавядае мясцовая жыхарка.

Першую змяю знайшлі 12 ліпеня. Дзеці гулялі побач з лужынай, у якой плавала гадзюка.

«Наш сусед злавіў яе, паклаў у слоік і адвёз у лес. На наступную раніцу хлапчукі знялі відэа з яшчэ адной змяёй. Потым суседка натрапіла на вялікую, не меншую за метр, асобіну проста на пешаходнай дарожцы. У суме не менш за пяць змей за апошні тыдзень», — кажа барысаўка.

Шмат скаргаў на змей і ў суполках раёна. Людзі расказваюць, што рэгулярна натыкаюцца на гадзюк падчас шпацыру з сабакамі. Дасведчаныя людзі ўпэўнена кажуць, што гэта менавіта гадзюкі - гэта значыць атрутныя змеі.

Жыхары раёна звярталіся па дапамогу ва ўсе інстанцыі: тэлефанавалі ў 115, у МНС, ЖЭУ. Аператыўна адрэагаваць ніхто не змог, і таму людзі сталі развязваць пытанне саматугам.

«Мы самі знайшлі ў інтэрнэце касца і скінуліся на ягоную аплату. І толькі пасля таго, як нам нарэшце выкасілі ўвесь двор, ужо раніцай ЖЭУ даслала свайго спецыяліста. У іх усяго адзін касец на ўвесь раён, і ў таго часу няма, то бензіну — увогуле, спрабуем неяк даваць рады самі», — дзеліцца барысаўчанка.

Супрацоўнік НАН, кандыдат біялагічных навук Сяргей Драбянкоў пацвярджае — на фота сапраўды гадзюкі. І гэта небяспечна для мясцовых жыхароў.

«Тут усё залежыць ад размяшчэння раёна і экалагічнай сітуацыі. Калі гэта перыферыя і побач ёсць лес, а ў раёне для змей створаны спрыяльныя ўмовы (тая ж высокая трава), то яны будуць далей прыпаўзаць», - адзначыў навуковец.

Драбянкоў мяркуе, што неабходна прыводзіць у парадак інфраструктуру і замаўляць адлоў на найбліжэйшых тэрыторыях.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com