Расейцам прапануюць алкагольныя туры ў Кітай

Іх называюць «цзю-туры».

Расейскія тураператары распрацоўваюць новыя тэматычныя праграмы для ахвочых адпачыць у Кітаі. Адной з іх стануць «цзю-туры», у рамках якіх вандроўцы змогуць пазнаёміцца з алкагольнымі традыцыямі рэспублікі, піша The Moscow Times.

«Такія праграмы могуць быць цікавыя як экспертам, аматарам дыстылятаў, так і класічным турыстам, якія жадаюць пашырыць свае веды пра Кітай», – заявіў Асацыяцыі тураператараў Расеі (АТОР) прэзідэнт «Расейска-кітайскага клуба» Сяргей Джан Ша.

Апусканне ў алкагольны свет Кітая будзе праходзіць непасрэдна ў тых правінцыях, дзе вырабляюць тыя ці іншыя напоі. Арганізатары праграм пастанавілі засяродзіцца на розных гатунках байцзю моцнасцю ад 50 да 53 градусаў, найбольш папулярных за межамі Кітая. Паколькі расейцам у асноўным вядомая прадукцыя ад Маатай і Фэньцзю, ім прапануюць адправіцца ў правінцыі, дзе яе вырабляюць - Гуйчжоу і Шаньсі.

Турысты змогуць даведацца пра гісторыю байцзю, далучыцца да звязаных з ужываннем гэтых напояў рытуалаў і пабываць у тэматычных музеях. Пры гэтым акцэнту на вытворчасці алкаголю ў праграмах рабіць не будуць, бо многія працэсы на фабрыках належаць да камерцыйных сакрэтаў.

«А вось з дэгустацыяй - ніякіх абмежаванняў. Удзельнікі тура «Вялікае спасціжэнне» змогуць пакаштаваць шматвяковыя кітайскія дыстыляты, набыць калекцыйныя (у тым ліку вельмі дарагія) варыянты байцзю, набыць атрыбуты культуры цзю», - запэўніў Джан Ша.

Таксама расейцаў пазнаёмяць са славутасцямі правінцый. У Гуйчжоу і Шаньсі знаходзяцца сусветныя аб'екты ЮНЭСКА, самы вялікі ў Кітаі вадаспад і іншае.

Меркаваны кошт тура складзе 250-300 тысяч расейскіх рублёў на чалавека. Арганізатары абяцаюць кліентам «размяшчэнне ў гатэлях еўрапейскага ўзроўню».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com