Беларуская палітзняволеная распавяла пра сустрэчу з Сяргеем Ціханоўскім

Народны блогер не здаецца.

Беларуская палітзняволеная Алеся Буневіч, дырэктарка віленскай крамы А2.print, якая адсядзела ў Беларусі за дапамогу ў эвакуацыі людзей з краіны, распавяла, як сустрэла на этапе Сяргея Ціханоўскага.

«Я праходзіла міма яго ў прыбіральню. Павінна была нешта яму сказаць, і не знайшла нічога лепшага, як «Прывітанне ад экстрэмістаў Маладзечна!». Проста дурніца, як можна было такое ляпнуць?! Вяртаюся, і ён пытаецца, паводле якой я справы праходжу. А я яшчэ не адвыкла ад свайго артыкула аб тэрарызме, так і кажу яму, такая дзяўчынка ў акулярах і з касамі – тэрарызм! – распавяла Буневіч «Нашай Нiве».

З ейных слоў, Сяргей моцна змяніўся ў зняволенні, яго цяжка пазнаць.

«Ён быў схуднелы, з прыгнечаным тварам, у яго быў зямлісты колер твару. Калі б не голас і размова пра грошы за канапай, я б яго, напэўна, не пазнала. Гэта быў дзень яго нараджэння, 18 жніўня, яго этапавалі ў крытую турму ў Жодзіне. Для мяне гэтая сустрэча была класным знакам, што ўсё будзе добра. Сяргей вельмі баявы, хоць і глядзець на яго было балюча, але ўнутраная моц адчувалася ў размове з канваірамі, якую я крыху чула. Ён не апускае рукі», – кажа Алеся.

Сяргей Ціханоўскі ў снежні 2021-га быў асуджаны на 18 гадоў калоніі. Пазней да яго тэрміну дадалі яшчэ паўтара года – за «злоснае непадпарадкаванне патрабаванням адміністрацыі». Сям'я не атрымлівае ад яго ніякіх звестак.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com