Чацвёра байцоў УСУ адбілі варожы штурм, захапілі МТ-ЛБ і вывезлі на ім сваіх параненых

Дзве групы расейскіх дэсантнікаў знішчылі на пад'ездах да Часава Яра.

Ля Часавага Яра ў Данецкай вобласці байцы 225-й АШБр УСУ адбілі варожы штурм і захапілі расейскі шматмэтавы транспартны цягач. Пра гэта паведамляецца ў тэлеграм-канале 225-га асобнага штурмавога батальёна.

Падзея адбылася ў траўні 2024 года, але паказалі трафейную тэхніку толькі зараз — яе падрамантавалі, і яна папоўніла аўтапарк брыгады.

«Гэты МТ-ЛБ - наш асаблівы трафей, здабыты ў баі ў траўні 2024 года. На нашыя пазіцыі выехалі тры адзінкі тэхнікі з дэсантнымі групамі. 2 былі знішчаны на пад'ездах, а гэтая дабралася да перадавых пазіцый абаронцаў горада Часава Яра. Чацвёра нашых пяхотнікаў прынялі бой», - гаворыцца ў паведамленні.

Адзначаецца, што ўкраінскія абаронцы ліквідавалі 5 захопнікаў на адлегласці да 30 метраў. Кіроўца МТ-ЛБ быў знішчаны апошнім, калі спрабаваў уцячы з поля бою.

Захопленую МТ-ЛБ байцы выкарыстоўвалі адразу ж у той дзень - ёю эвакуявалі параненых пабрацімаў.

Пасля гэтага транспарцёр-цягач даставілі на рамонтную базу, дзе яго адрамантавалі і перапрашылі, і зараз ён адпавядае сучасным патрабаванням.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com