Орбан у Кіеве заклікаў Зяленскага спыніць агонь

Прэм'ер Вугоршчыны прасоўваў расейскі наратыў.

Падчас перамоў з прэзідэнтам Украіны Уладзімірам Зяленскім у Кіеве прэм'ер Вугоршчыны Віктар Орбан прасоўваў ідэю неадкладнага замірэння, якая ёсць ва ўсіх прарасейскіх «мірных планах», але не стаў намагаць на ёй.

Аб гэтым паведамляе карэспандэнт «Еўрапейскай праўды».

У заявах для прэсы пасля заканчэння двухбаковых перамоў 2 ліпеня лідар Вугоршчыны прызнаў, што прапаноўваў украінскаму калегу неадкладнае спыненне агню на той лініі судакранання з расейскімі войскамі, якая ёсць зараз.

Орбан падкрэсліў, што не з'яўляецца супраціўнікам таксама ўкраінскіх планаў сканчэння вайны, але ўважае іх занадта доўгімі ў рэалізацыі.

«Я распавёў спадару прэзідэнту, што ягоныя ініцыятывы патрабуюць шмат часу праз правілы міжнароднай дыпламатыі. Таму я папрасіў спадара прэзідэнта падумаць аб тым, ці нельга паступіць крыху інакш: спыніць агонь, а затым весці перамовы з Расеяй, бо спыненне агню паскорыла б тэмпы гэтых перамоў», – сказаў Орбан.

Зрэшты, Віктар Орбан падкрэсліў, што не намагаў на сваёй ініцыятыве і ўспрыняў украінскія аргументы.

«Я вельмі ўдзячны прэзідэнту за яго адкрытае меркаванне ў гэтым пытанні», - заявіў ён, паабяцаўшы перадаць пачутае іншым лідарам Еўразвязу.

Заўважым, што прэзідэнт Зяленскі ў сваім выступе пазбег гэтага пытання, аднак ён зазначыў, што Вугоршчына падтрымала мірныя ініцыятывы Украіны на саміце ў Швэйцарыі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com