У Дагестане тутэйшыя жыхары зліквідавалі пуцінскага «ветэрана»
- 20.07.2024, 12:30
- 7,800
З удзельнікам "СВА" расправіліся за тое, што ён "служыў расейцам".
Гучнае злачынства адбылося ў Дагестане, аб ім замоўчваюць мясцовыя і федэральныя мэдыі. Удзельніка пуцінскай "СВА" забілі тутэйшыя за тое, што "служыць расейцам". Аб інцыдэнце расказаў расейскі ультрапатрыёт, Z-блогер Максім Калашнікаў. Ён апублікаваў відэа з аповедам сваячак забітага вайскоўца РФ, паведамляе Діалог.UA.
Калашнікаў сцвярджае, што з ваеўніком расправіліся дагестанскія «вахабіты», гэта значыць, радыкальныя ісламісты. Падчас сутычкі адзін вайсковец быў забіты, ягоны брат і бацька атрымалі агнястрэльныя раны.
В Дагестане местные жители убили «героя СВО» за то, что воевал за русских нацистов.
— Igor Вице-блогер (@Igor12066848) July 20, 2024
А интересные процессы происходят в этой республике в последнее время.
@kazansky2017 pic.twitter.com/P3z2Hn5wfC
«Якія напалі на іх, яны абвінавачвалі, што іхнія сыны там з расейцамі, за расейцаў ваююць. Вам харам, кажуць, вы расейцам дапамагаеце... Яны прыехалі, 30-40 чалавек, нават не размаўлялі з маімі дзецьмі. Слухаць не хацелі! Стралялі ва ўсіх: у бацьку стралялі, потым у старэйшага сына стралялі, ён у шпіталі цяпер… Жалязякамі білі», — распавяла сваячка.
Яна сцвярджае, што міліцыянты ніяк не адрэагавалі на забойства, вінаватыя нават не затрыманыя.