У Менску ў дзіцячай стаматалогіі санітарак замяшчаюць студэнты
5- 20.07.2024, 16:17
- 1,916
Дэфіцыт медперсаналу ўжо не схаваць.
У Менскім гарадскім дзіцячым клінічным цэнтры стаматалогіі недахоп медсясцёр і санітарак закрылі за кошт так званага «студэнцкага атраду». Яго ўпершыню сфармавалі на стаматалагічным факультэце Беларускага дзяржаўнага медычнага ўніверсітэту, піша агенцтва «Мінск-навіны».
У складзе «атраду» задзейнічаны 7 чалавек. Яны выконваюць функцыі малодшага медычнага персаналу. Ва ўніверсітэце запэўніваюць, што заяўкі ад ахвочых папрацаваць летам сабралі за адзін дзень.
Студэнты, пішуць прапагандысты, задзейнічаны ўсюды, пачынаючы ад працы ў рэгістратуры і заканчваючы хірургічным кабінетам. Яны праводзяць дэзінфекцыю паверхняў, працуюць з медычными адходамі і са сродкамі індывідуальнай аховы. Але нібыта, запэўнівае кіраўніцтва клінікі, не замяняюць лекараў.
Аднак, мяркуючы па банку вакансій у гэтай медычнай установе на 20 ліпеня 2024 года адкрыта 8 вакансій медсясцёр і санітарак.