Расейцы кідаюць у бой апошнія танкі
2- 20.07.2024, 21:43
- 10,696
![Расейцы кідаюць у бой апошнія танкі](https://i.c97.org/ai/603646/aux-small-1721500974-20240720_t90_360.png)
Экспэрт звярнуў увагу на паказальнае фота.
Расейскае акупацыйнае войска прымае на ўзбраенне танкі Т-90 першай серыі выпуску вырабленыя яшчэ ў 1992 годзе.
Пра гэта паведаміў вайсковы аглядальнік украінскай групы «Інфармацыйны супраціў» Аляксандр Каваленка, звярнуўшы ўвагу на фота транспартавання гэтай баявой машыны.
«Гэта сведчыць аб тым, што з захоўвання пачалі здымаць тэхніку, якую праз даўнасць захоўвання цяжэй за ўсё аднаўляць. А яшчэ мадэрнізаваць да мадыфікацыі Т-90М «Прарыў», – адзначыў ён.
Са слоў экспэрта, пасля таго, як у РФ скончацца ў цэнтрах захоўвання і гэтыя танкі, дзяржава-агрэсар будзе здольная вырабляць толькі 5-6 танкаў у месяц.
«Выдатная» перспектыва для вайны ў доўгую», – іранічна заўважыў Аляксандр Каваленка.
![](https://i.c97.org/ai/603646/aux-1721500802-2024-07-20 20.39.41.jpg)