Bild: Шольц дагэтуль глядзіць лямпавы тэлевізар і 40 гадоў карыстаецца адным партфелем

Журналісты раскрылі «сакрэты» канцлера Нямеччыны.

Федэральны канцлер Нямеччыны 66-гадовы Олаф Шольц прызнаўся, што ў яго ёсць некалькі старамодных звычак. Напрыклад, палітык па-ранейшаму глядзіць лямпавы тэлевізар, а таксама носіць дакументы ў партфелі, якому ўжо 40 гадоў.

Аб гэтым піша выданне Bild. Тэма ўзнікла на днях на перадвыбарным мітынгу СДПГ у Дрэздэне пры абмеркаванні пераходу на электрааўтамабілі.

Прафсаюзны дзеяч з Volkswagen Zwickau выказаў занепакоенасць паступовай адмовай урада ад субсідый на электрамабілі і заклікаў увесці «тормаз цэн», бо ўсё гэта небяспечнае скарачэннем працоўных месцаў. Шольц выказаў меркаванне, што такія аўтамабілі мала набываюць не толькі праз палітыку ўрада.

Палітык патлумачыў, што ўрад толькі нядаўна абавязаў заправачныя станцыі будаваць станцыі хуткай зарадкі. А потым прызнаўся, што ў яго дома стары лямпавы тэлевізар, які дагэтуль выдатна працуе.

Ён растлумачыў, што кожны раз, калі глядзіць на брашуру ў краме, дзе прадаюць найноўшыя тэлевізары, думае пра сябе, што праз год гэтыя мадэлі ўсё адно састарэюць і не набывае іх. Таксама, мяркуе Шольц, і з аўтамабілямі. З імі адбываецца шмат змен, і неўзабаве сённяшнія мадэлі састарэюць. Але палітык перакананы, што гэта не павінна адпужваць людзей.

«Такім чынам, канцлер прасоўвае электрамабілі, выкарыстоўваючы аргумент, які ён не выкарыстоўвае для свайго лямпавага тэлевізара. Ці набудзе ён зараз яшчэ і смарт-тэлевізар?» – задалося пытаннем нямецкае медыя.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com