Deep State: Баі ў Данецкай вобласці значна абвастрыліся

УСУ давялося адысці за сяло Прагрэс.

Войску краіны-агрэсаркі Расеі за апошнія два дні ўдалося хутка пераламаць ход бою за сяло Прагрэс у Пакроўскім раёне Данецкай вобласці. У далейшым прасоўванні на гэтым кірунку вораг ставіць перад сабой дзве мэты. Захопнікі спадзяюцца выйсці на трасу, якая злучае Пакроўск з Канстанцінаўкай. Аб гэтым паведамілі аналітыкі DeepState.

З іх слоў, баі на подступах да Прагрэсу пачаліся яшчэ ў апошнія дні красавіка гэтага года і фактычна апошнія тры месяцы Сілам абароны ўдавалася параўнальна паспяхова адбіваць варожыя атакі, хоць страты пазіцый перыядычна былі.

«Паласу, якая складалася з самага сяла, прыняла адна з пяхотных брыгад. Калі вораг пачаў масаваны штурм 19 ліпеня, то амаль усё сяло было пакінутае. Тэрмінова паступіла падмога з іншай ужо механізаванай брыгады, якая стаяла на заходняй вуліцы сяла. 20 ліпеня праз адсутнасць дастатковай колькасці пяхоты яе сілам давялося адысці. Цяпер ужо за сяло», - сцвярджаюць аналітыкі.

Адзначаецца, што гэта прымушае іншую ўкраінскую брыгаду, якая стаіць уздоўж чыгункі, размяшчаць пазіцыі яшчэ і на фланг. Акрамя таго, паводле іх слоў, існуе рызыка акружэння, а «загаду аб выраўноўванні лініі няма».

Спецыялісты перакананыя, што далейшае прасоўванне войск РФ на Пакроўскім кірунку мае адразу дзве мэты.

«Па-першае, акупанты імкнуцца наблізіцца або перацяць трасу Пакроўск - Канстанцінаўка. А на захад ад Уздвіжанкі існуе вышыня 229.0, якая таксама «вабіць» ворага. Па-другое, захопнікі могуць мець на мэце рух па хрыбце, па якім пралягае чыгунка, з наступным выхадам да вышыні 224.8 і Наваградаўцы. На жаль, больш дэталяў паведаміць не можам. Байцы Сіл абароны Украіны спрабуюць зрабіць усё, каб ніводная з мэт не была рэалізаваная ворагам», - адзначылі ў DeepState.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com