Трамп заявіў, што атрымаў «выдатнае пасланне» ад Сі Цзіньпіна

Кіраўнік КНР зрабіў гэта пасля замаху на кандыдата ў прэзідэнты ЗША.

Кандыдат у прэзідэнты ЗША Дональд Трамп паведаміў, што пасля замаху на мінулым тыдні атрымаў пасланне ад старшыні КНР Сі Цзіньпіна. Пра гэта ў нядзелю, 21 ліпеня, паведамляе Reuters.

«(Сі) напісаў мне выдатную цыдулку на днях, калі пачуў аб тым, што адбылося», - сказаў Трамп падчас выступу на перадвыбарным мерапрыемстве ў штаце Мічыган, якое стала першым для яго пасля перажытага замаху.

Трамп расказаў аб пасланні ад Сі падчас абмеркавання сваёй эканамічнай палітыкі ў дачыненні да Кітая ў часы свайго прэзідэнцтва.

«Я вельмі добра ладзіў з прэзідэнтам Сі», – сказаў экс-прэзідэнт ЗША.

Падчас свайго выступу Трамп таксама згадваў пасланні ад іншых сусветных лідараў пасля замаху.

Трамп падчас выступу ў Мічыгане рэзка раскрытыкаваў сваіх палітычных апанентаў. Пасля закліку да нацыянальнага адзінства на пачатку тыдня ён вярнуўся да «звыклай перадвыбарнай тактыкі» — выкарыстання абразлівай лексікі для нападу на дэмакратаў, напісала агенцтва Reuters.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com