Менчукі збіраюцца ў вялізныя чэргі на Нямізе
20- 22.07.2024, 19:07
- 27,010
Відэафакт.
У пятніцу ў другой палове дня многія менчукі заўважылі вялікую колькасць людзей у раёне Нямігі. Разгадка знайшлася хутка: выявілася, у візавым цэнтры Італіі ў Менску аднавілі запіс у спецыяльны сшытак. У народзе яго яшчэ называюць «сшытак Алега». «Онлайнер» даведаўся, чаму гэта выклікала такі ажыятаж.
Сістэму запісу па жывой чарзе ўвялі крыху больш за год таму. Усё для таго, каб перашкодзіць працы пасярэднікаў, якія разбіраюць усе вольныя слоты і перапрадаюць іх патэнцыйным турыстам. Ахвочыя могуць запісацца па жывой чарзе ў працоўныя дні візавага цэнтра з 16:00 да 17:00, абавязковая ўмова - паказ пашпарта. У тэматычных чатах спіс пачалі называць «сшыткам Алега» па імені адміністратара, які і займаецца гэтай працэдурай.
У чэрвені такі тып запісу прыпынілі і беларусы практычна пазбавіліся магчымасці самастойнага запісу на італійскі шэнген.
«Аўтобусныя туры прадаюць на лістапад»м
- Астатнія слоты атрымліваюць тураператары пад аўтобусныя туры. Яны маюць квоты, у кожнага розныя. Напрыклад, усяго ў тур едзе 45 чалавек, і для 20 з іх ёсць магчымасць адкрыць візу праз візавы цэнтр.
Паводле інфармацыі калег, усе месцы з візавай падтрымкай у туры на жнівень - верасень ужо распрададзеныя. Можна разлічваць на падарожжа не раней за другую палову восені, - распавёў Артур, дырэктар візавага агенцтва «Віза бай кам».
Навіна аб аднаўленні запісу па жывой чарзе і прымусіла ахвочых атрымаць візу сабрацца пад сценамі візавага цэнтра. На здагадкі Артура, сёння чарга будзе не меншая: некаторыя пачалі займаць месцы ўжо з 8 раніцы.
Што да амбасады, то запісацца анлайн дзеля турыстычнай візы таксама нельга. Механізму як у візавых цэнтрах Балгарыі, Грэцыі ці Польшчы проста няма. На падачу дакументаў могуць разлічваць толькі тыя, хто мае запрашэнне ад найбліжэйшых сваякоў або дзелавых партнёраў. Пасля атрымання запыту спецыялісты пасольства самі назначаюць дату падачы дакументаў.
«Адзін з нямногіх варыянтаў, як запісацца самастойна»
Мы пагаварылі з Арцёмам, якому ўдалося самастойна не толькі запісацца ў сшытак, але і ўжо атрымаць візу. Шлях да шэнгена ў маладзёна пачаўся ў канцы красавіка. У той момант ніякіх чэргаў не было, для запісу ў сшытак трэба было пачакаць максімум 10 хвілін.
У траўні для тых, хто ўжо быў запісаны ў сшытак, абвясцілі акцыю. На сайце візавага цэнтра ў раздзеле «Навіны» з'явілася інфармацыя, што ў пэўны дзень можна запоўніць і адправіць заяўку. Калі ўсё зрабіць правільна і хутчэй за іншых ахвочых, вы атрымаеце слот на падачу дакументаў у пэўны дзень. Арцёму з жонкай пашанцавала - яны змаглі запісацца на ліпень.
Калі з акцыяй не склалася, паспрабаваць поспех можна зноў - іх праводзяць перыядычна. У адваротным выпадку трэба прыходзіць адразу да ганка візавага цэнтра. Турыстаў выклікаюць па нумарах. Калі больш нумароў вышэйшых за ваш у гэты дзень няма, то вы зможаце падаць дакументы. Але калі за адведзены час да вас чарга так і не дайшла, давядзецца прыехаць зноў. Важна, каб да гэтага моманту быў гатовы поўны пакет дакументаў. Каштуе паслуга такой падачы 90 рублёў.
Яшчэ адна прычына, па якой так шмат турыстаў імкнецца падаваць дакументы менавіта ў візавы цэнтр Італіі, - не абавязкова аплачваць гатэль і квіткі, можна падаць рэзерваванне. Таксама можна не падаваць праязныя квіткі да пункта вылету, напрыклад Вільні. У іншых візавых цэнтраў правілы стражэйшыя.
Перад тым, як падавацца на візу, Арцём праманіторыў сітуацыю ў іншых пасольствах і візавых цэнтрах. З яго слоў, гэта адзін з нямногіх варыянтаў, як запісацца самастойна і не аддаць пасрэднікам значную суму.
Які вынік намаганняў? Арцём атрымаў двухгадовы шэнген. Да гэтага ў яго і яго жонкі была паўгадавая віза ў чыстых пашпартах. Пасля таго, як ён сам прайшоў гэты шлях, маладзён сабраў карысную інфармацыю па запісе ў візавы цэнтр Італіі ў тэлеграм-канале.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
