ЦБ РФ пачаў рыхтавацца да адключэння ад даляраў амаль усіх банкаў

Падрабязнасці.

Банк Расеі разглядае магчымасць далейшых абмежаванняў на зварот у краіне ключавых сусветных валютаў, гандаль якімі ўжо спыніўся на біржы праз санкцыі ЗША.

У стрэсавы прагноз развіцця валютнага рынку ЦБ уключыў сцэнар, пры якім гандляваць далярамі ў Расеі не зможа практычна ніхто, а на пазабіржавым рынку, дзе цяпер ажыццяўляюцца ўгоды, застануцца толькі два банкі. Пра гэта паведамляюць «Ведамасці» са спасылкай на матэрыялы Цэнтрабанка, дзе апісаная метадалогія вызначэння афіцыйных валютных курсаў.

Цяпер ЦБ вылічвае афіцыйныя курсы ва ўгодах, якія банкі праводзяць паміж сабой па-за біржай: для гэтага выкарыстоўваюцца транзакцыі, ажыццёўленыя да 15:30 паводле Менска. Пры гэтым угоды з занадта нізкім або занадта высокім курсам адсякаюцца, каб выключыць маніпуляванне рынкам.

У стрэсавым сцэнары Цэнтрабанк дапускае, што ў валютным рынку зможа браць удзел вельмі малая колькасць банкаў (менш за тры). У гэтым выпадку будуць улічвацца ўгоды не толькі актуальнага дня, але і папярэдняга. Крыніца «Ведамасцяў», блізкая да аднаго з буйных банкаў, заявіла, што такі сцэнар малаверагодны, але яго важна апісаць «з метадалагічнага гледзішча».

Маскоўская біржа 13 чэрвеня спыніла аперацыі з далярамі і еўрамі пасля таго, як Мінфін ЗША ўнёс яе ў чорныя спісы разам з ключавымі разліковымі структурамі – Нацыянальным клірынгавым цэнтрам і Нацыянальным разліковым дэпазітарыем. ЦБ «бярэ да ўвагі рызыку», што следам давядзецца спыніць гандаль і кітайскім юанем, прызнала 4 ліпеня кіраўніца рэгулятара Эльвіра Набіуліна.

Паводле словаў крыніцаў Bloomberg, блізкіх да Цэнтрабанка, там непакояцца, што ад супрацоўніцтва з біржай паступова будуць адмаўляцца кітайскія банкі, якія ўжо абмяжоўваюць разлікі з Расеяй праз пагрозу амерыканскіх санкцый.

15 ліпеня Цэнтрабанк абвясціў, што прыпыняе публікацыю статыстыкі пазабіржавога валютнага рынку. Апублікаваныя раней звесткі былі выдаленыя з ягонага сайта, а сам рэгулятар растлумачыў пастанову «абмежаваннем санкцыйнага ўплыву». Раней ЦБ штодня публікаваў інфармацыю пра зварот гандлю далярам, еўрам і юанем з разлікамі «заўтра» – агульных і міжбанкаўскіх.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com