Беларускія кардыёлагі правялі аперацыі на сэрцы паводле ўнікальнай методыкі

Пацыенты – 80-гадовая жанчына і 77-гадовы мужчына.

У РНПЦ «Кардыялогія» ўпершыню ў Беларусі правялі дзве аперацыі транскатэтарнага эндапратэзавання мітральнага клапана паводле методыкі «клапан у клапан», паведамілі ў медустанове.

Раней аналагічная аперацыя праводзілася праз разрэз верхавіны сэрца. Аднак 16 ліпеня беларускія кардыёлагі выканалі ўмяшанне паводле ўнікальнай методыкі.

«На гэты раз доступ да мітральнага клапана ажыццяўляўся цалкам эндаваскулярна, праз пункцыю сцегнавой вены і міжперадсэрцавай перагародкі. Гэтая методыка прызначаная для раней апераваных пацыентаў, якім быў імплантаваны біялагічны пратэз мітральнага клапана. Пры развіцці стэнозу і/ці недастатковасці клапаннага біяпратэза паўторнае аператыўнае ўмяшанне звязанае з высокай рызыкай перыаперацыйных ускладненняў», – паведамілі ў РНПЦ.

Першай праапераванай пацыентцы 80 гадоў, яна ўжо тройчы за жыццё пераносіла аперацыі на адкрытым сэрцы. Другі – мужчына 77 гадоў. Абаім пацыентам выкананая транскатэтарная імплантацыя біялагічнага пратэза Edwards Sapien 3.

Аперацыі прайшлі без ускладненняў. Стан пацыентаў здавальняльны, яны прадаўжаюць лячэнне ў цэнтры.

Аперавалі спецыялісты РНПЦ «Кардыялогія», іх праз відэасувязь кансультавалі ізраільскі лекар Рафаэль Вольф і клінічны спецыяліст кампаніі Edwards Lifescience Роберт Харысаў з Масквы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com