Кітай выкінуў Расею з праекту будаўніцтва далёкамагістральнага самалёта

Цяпер Кітай працуе над праектам самалёта С929 самастойна.

Кітай выключыў Расею з праекту будаўніцтва далёкамагістральнага самалёта С929. Першапачаткова гэта быў супольны праект расейскіх і кітайскіх авіябудаўнічых кампаній, піша ВВС.

На стэндзе кітайскай авіябудаўнічай карпарацыі COMAC на міжнародным авіясалоне Фарнбара выстаўлены макет самалёта, але Расея ў апісанні праекту не згадваецца.

Прадстаўнік кітайскай кампаніі на ўмовах ананімнасці пацвердзіў ВВС, што цяпер Кітай працуе над праектам самастойна.

Праект далёкамагістральнага авіялайнера называўся CR929. Раней у расейскім падсанкцыйным Растэху сцвярджалі, што «С» у назву азначае Кітай, а «R» – Расею. Цяпер літара «R» з назвы самалёта знікла.

Суразмоўца ВВС у кампаніі не назваў прычыны і час выхаду Расеі з праекту.

Кітай і РФ дамовіліся пра супольнае будаўніцтва CR929 яшчэ ў 2014 годзе. Кошт праекту ацэньваўся на $50 млрд, ён павінен быў стаць найбуйнейшым у авіягаліне дзвюх краінаў. Меркавалася, што новы самалёт будзе канкурэнтам лайнерам Airbus і Boeing.

Распрацоўка самалёта пачалася ў 2017 годзе і закончыць яго планавалі ў 2025 годзе, увесці ў эксплуатацыю – у 2028 годзе.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com